Chet elliklar Buyuk Britaniyada uy sotib ola oladimi?

Qisqa javob: ha. Chet elliklarga Buyuk Britaniyada uy sotib olishni taqiqlaydigan umumiy qoida yoʻq, mamlakatda yashamasangiz ham mulkka egalik qilishingiz mumkin. Shunga qaramay, jarayon bir necha jihatdan mamlakatda yashovchi xaridornikidan farq qiladi.
Soliq
Uy sotib olayotganda Stamp Duty deb ataladigan soliqni toʻlaysiz. Buyuk Britaniya rezidenti boʻlmagan xaridorlar va qoʻshimcha uy sotib olayotganlar ustama toʻlaydi. Stavkalar davlat byudjeti eʼlon qilinganda oʻzgarishi mumkin, shuning uchun hisob-kitobdan oldin amaldagi jadvalni birga koʻrib chiqamiz.
Ipoteka
Chet elda yashovchilar ham ipoteka olishi mumkin, lekin variantlar kamroq va kreditorlar odatda kattaroq boshlangʻich toʻlov talab qiladi. Daromadingiz va jamgʻarmalaringiz manbasini hujjatlar bilan tasdiqlashingiz kerak boʻladi.
Shaxs va mablagʻ manbasi
Pul yuvishga qarshi qoidalarga koʻra, yuristingiz shaxsingizni tasdiqlovchi hujjatni va pul qayerdan kelganini soʻraydi. Bank koʻchirmalari, sotish shartnomalari va shunga oʻxshash hujjatlarni boshidanoq tayyorlab qoʻysangiz, jarayon tezlashadi.
Uy sotib olish viza bermaydi
Bu savol koʻp beriladi, shuning uchun yana bir bor: mulkka egalik qilish sizga yashash huquqi yoki viza bermaydi.
Nimadan boshlash kerak
Avval byudjet va maqsadni aniqlang: oʻzingiz yashaysizmi yoki ijaraga berasizmi? Qolganini birga rejalashtiramiz.
Ushbu maqola umumiy maʼlumot boʻlib, yuridik yoki moliyaviy maslahat emas. Qoidalar oʻzgarib turadi, shuning uchun qaror qabul qilishdan oldin amaldagi holatni biz yoki yuristingiz (solicitor) bilan aniqlashtiring.
Dushanba - Shanba, 9:00 - 18:00 (London vaqti)
+44 7552 177242